Fara í efni

Orkulaus? Fáðu þér Miami-smoothieskálina

Í sumar fór ég fór ég í mánaðardvöl til Miami þar sem acai eða smoothie skálar eru á hverju horni! Ef þú hefur fylgst með mér á Instagram veistu að ég elska smoothieskálar og borða þær nær daglega. Skálarnar geri ég stundum fyrir vinkonur og hafa þær sagt að þetta smakkist eins og ís! Þannig á alvöru næring að smakkast að mínu mati.
Orkulaus? Fáðu þér Miami-smoothieskálina

Í sumar fór ég fór ég í mánaðardvöl til Miami þar sem acai eða smoothie skálar eru á hverju horni! 

Ef þú hefur fylgst með mér á Instagram veistu að ég elska smoothieskálar og borða þær nær daglega. 

Skálarnar geri ég stundum fyrir vinkonur og hafa þær sagt að þetta smakkist eins og ís! Þannig á alvöru næring að smakkast að mínu mati.

Skálin er..

  • þykk og köld
  • frískandi
  • fljótleg 
  • próteinrík
  • unaðsleg

Skálin er einnig stútfull af næringu og góðgerlum sem draga úr bólgum, halda blóðsykri jöfnum og sykurlöngun í skefjum og síðast en ekki síst veita skálarnar orku og fá líkamann til að ljóma. Eitthvað af því sem konurnar hjá mér í Frískari og Orkumeiri á 30 dögum námskeiðinu eru byrjaðar að njóta.

Ég skrifa þakklætisbók og nánast daglega skrifa ég hvað ég er þakklát fyrir þessar skálar í lífi mínu! 

Eru það ekki líka litlu hlutirnir í lífinu sem gefa hamingju?

Leyndarmálið við góða smoothie eða acai skál er þrennt; að hún sé þykk, vel kæld og að nota vel af  “toppings” ofan á, s.s þetta stökka og girnilega sem ég set ofan á skálarnar. 

Kúnstin við að hafa blönduna sérstaklega þykka er að nota frosinn kúrbít. Það má nota 1-2 frosna banana en þeir eru háir í frúktósa, kasta blóðsykrinum úr jafnvægi og ég sjálf fæ í magann ef ég borða of marga banana vegna iðruólgunar (IBS). Á 30 daga námskeiðinu er gefinn listi yfir alla ávexti sem eru hærri, og lægri, í frúktósa fyrir áhugasama.

Ég afhýði þá kúrbítinn, sker í bita og frysti. Kúrbítur er lágur í kalóríum og frúktósa (ekki það að ég telji kalóríur, en gott að vita af því).

Miami-Smoothieskálin

1/2 bolli kókosmjólk t.d frá Koko (eða möndlumjólk)
2 msk chia fræ útbleytt
1 lítill banani frosinn
½ bolli kúrbítur frosinn (afhýddur og sneiddur)
½ bolli mangó frosið
½ bolli ananas frosinn
1 skammtur af Vivo Life próteindufti (t.d með salted maca caramell eða vanillu)
¼ tsk túrmerik t.d frá Sonnentor (fyrir skarpari lit)
1 msk MCT olía 

Til skreytingar:
banani
jarðaber
bláber
mangó
kínóa poppað (ég notaði frá Bio, það er í miklu uppáhaldi)
granóla (ég notaði frá Biona Organic Honey Hazelnut)
sumarblóm

1. Setjið öll innihaldsefni fyrir utan prótein, túrmerik og MCT olíu í blandarakönnuna og vinnið í þykkri áferð. Bætið við meiri kókosmjólk eftir þörfum en þá lítið í einu svo skálin haldist þykk. Bætið svo útí próteini, túrmerik og MCT olíunni alveg undir lokin og vinnið örlítið. 

2. Setjið í skál og geymið í frysti í smá stund á meðan þið finnið til allt sem þið viljið nota til að skreyta skálina með. Þannig helst skálin extra köld.

3. Skreytið og berið fram.

Ég vona að þú prófir Miami-smoothieskálina! Endilega deilið á Facebook og mundu að tagga mig á Instagram ef þú býrð þessa til! Mér finnst mjög gaman að heyra frá ykkur.

Mættu haustinu frísk og orkumikil

Skráðu þig á ókeypis fyrirlestur sem ég er að halda 24. og 26. september kl 20:00 og lærðu 3 skref til að losna við sykurlöngun og tvöfalda orkuna!

Með því að koma færðu einföld og sannreynd skref sem þú getur strax hafist handa á, uppskrift sem dregur úr sykurlöngun, próf sem tekur mið af heilsunni, næstu skref í breyttum lífsstíl og margt margt fleira! Takmörkuð pláss í boði!

Heilsa og hamingja,