Frábært lasagna með kjúkling í stað nautahakks.
Léttara í magann og afar bragðgott, enda stútfullt af osti.
Hráefni:
6 kjúklingabringur
100 gr ferskt pestó
3 kúlur af mozzarella
150 gr af ferskum parmesan – rífa hann niður
6 stórar ferskar lasagna plötur
10 basil lauf
2 hvítlauksgeirar – saxaðir mjög smátt
2 msk af ólífuolíu eða þinni uppáhalds olíu
2 ricotta ostar
1 tsk af grófu salti
1 tsk af ferskum pipar
Leiðbeiningar:
Byrjaðu á því að skera kjúklinginn niður og raða bitum á bakka með bökunarpappír.
Á kjúklinginn á að setja hvítlaukinn, basil, olíuna, salt og pipar. Nuddið öllum hráefnum vel á hvern bita.
Látið grillast í 10 mínútur á háum hita. Gott að nota stórt samlokugrill eða álíka til að grilla kjúklingabitana.
Settu núna helminginn af eldaða kjúklingnum í botninn á lasagna fati.
Settu helming af ricotta osti ofan á og dreifðu svo helming af pesto yfir.
Toppið með 1/3 af parmesan og mozzarella. Setjið svo 3 lasagna plötur.
Endurtakið nákvæmlega eins og notið síðustu 3 lasagna plöturnar efst.
Toppið svo með mozzarella og parmesan.
Hyljið með álpappír og látið bakast í 25 mínútur á 200 gráðum. Takið álpappír af þegar 15 mínútur eru eftir.
Dásamlegur réttur, fljótlegur og flottur fyrir alla fjölskylduna.
Njótið vel!
Uppskrift af twistedfood.co.uk
Athugasemdir