Jólaleikur Krabbameinsfélagsins, Banana og Hagkaupa
Úrslitin í jólaleik Krabbameinsfélagsins, Banana og Hagkaupa verða kunngjörð í dag kl. 13 fyrir framan Hagkaup í Smáralind.
Girnilegur ávaxtabakk fyrir jólin
Úrslitin í jólaleik Krabbameinsfélagsins, Banana og Hagkaupa verða kunngjörð í dag kl. 13 fyrir framan Hagkaup í Smáralind. Markmiðið með jólaleiknum var að minna fólk á mikilvægi ávaxta, grænmetis og annarrar hollustu í desember þegar amstur jólanna er mikið og neysla á sætindum er í hámarki. Óskað var eftir skemmtilegum hugmyndum að jólalegri framsetningu ýmisskonar hollustu til að nýta á jólaborðið eða veislubakkann og átti grænmeti, kryddjurtir, ávextir og ber að vera megin uppistaðan.
Þátttakan í ár var afar góð og er mikil spenna fyrir deginum. Eins og áður segir verða úrslit kynnt í Smáralind í dag kl.13:00 fyrir framan Hagkaup, innsendingar verða til sýnis á sama stað til kl.14:30 og er um að gera að mæta og líta dýrðina augum, taka myndir og fá hugmyndir fyrir ferska og fallega hollustu á jólaborðið og almenna hollustu fyrir árið sem er framundan.
Nánar um leikinn, sem haldinn er í fjórða sinn má finna hér