Humarsúpa með agúrkum, sólselju og silungahrognum - Nóatún

Inn á heimasíðu Nóatúns finnur þú margar girnilegar uppskriftir og einnig myndbönd sem aðstoða þig við eldamennskuna heima við. 

Hér er girnileg uppskrift af Hátíðar humarsúpunni þeirra og er hún svo sannarlega í sparibúningi. 

Hráefni:

Súpa

• 1,5 l gott humarsoð
• 3 dl hvítvín
• 4 skalottlaukar saxaðir
• 3 hvítlauksgeirar saxaðir
• 1 sellerístilkur saxaður
• 500 ml rjómi
• 20 ml koníak
• 40 g smjör + 30 g hveiti
• (smjörbolla)
• salt eftir smekk

Humar

• 500 g humarhalar, teknir úr skelinni
• 20 ml olía
• 50 g smjör
• 2 hvítlauksgeirar skornir í tvennt
• salt
• 1 agúrka skræld, kjarnhreinsuð
• og skorin í litla teninga
• 2 sellerístilkar skornir í litla teninga
• ½ dós sýrður rjómi 18%
• ½ búnt fersk sólselja (dill)
• ½ msk. agavesíróp
• 1/3 krukka silungahrogn
• salt
• safi og börkur af 1 lime

Leiðbeiningar:

Súpa
Léttsteikið grænmetið í potti, bætið hvítvíni út í og sjóðið niður um helming. Bætið humarsoði í og sjóðið niður um 1/3. Sigtið yfir í annan pott og bætið rjómanum út í, sjóðið niður um ¼. Smakkið til með salti, þykkið með smjörbollu og blandið vel með töfrasprota. Bætið koníaki út í í restina.

Humar
Hreinsið humar og beygið hann saman í hring. Steikið á pönnu á annarri hliðinni þar til gullinbrúnn. Bætið smjörinu ásamt hvítlauksgeirum út í og leyfið því að freyða. Snúið humrinum yfir á hina hliðina í 10-15 sek. og takið af pönnunni. Þerrið lítillega og raðið í súpudiska.

Blandið öllu hráefninu saman og setjið hæfilegan skammt í miðjan súpudisk. Hellið heitri súpunni yfir og toppið með létt þeyttum rjóma og stökkum brauðteningum.