Blaðkál eða salatkál

Blaðkál, einnig nefnt salatkál eða kínverskt selleríkál hefur um aldir verið vinsæl matplanta í Kína og Suð-austur Asíu, en nýtur sívaxandi vinsælda á vestrænum slóðum.

Pak choi þýðir beinlínis hvítt grænmeti á kantónsku en algengara er að kálið sé kallað bok choi (amerísk enska) eða pak choi (bresk enska). Latneska heitið er Brassica rapa.

Blaðkál / Pak choi er skylt vestrænu káli og næpu en það myndar ekki höfuð heldur vaxa blöðin í knippum. Blöðin eru dökkgræn með ljósgrænum stilkum sem minna í útliti á sellerí.

Geymsla

Blaðkál geymist best í pokanum inn í ísskáp. Kjörhitastig er 0 – 4 °C
Eftir að pokinn hefur verið opnaður þarf að loka opinu vel svo rakinn haldist betur inni.

Notkun

Öll plantan er æt og er borðuð fersk, bökuð, steikt eða soðin. Kálið er stökkt og safaríkt þegar það er ferskt en mýkist hratt við steikingu eða suðu.

Nánar á https://islenskt.is/vara/pac-choi/ 

Næringargildi