Bakaðir pesto sveppir með brakandi kasjúosti

Frábært sem meðlæti eða bara eitt sér, sveppir eru alltaf svo æðislega góðir.

Þessi uppskrift er án mjólkurvara, soja og hentar vegan.

Hráefni:

20 stórir sveppir – þessir venjulegu frá Flúðum

Fyrir fyllinguna:

4 hvítlauksgeirar

2 vorlaukar

2 bollar af basil laufum

½ bolli af Chives

4 lítil Chilly, rauð

¼ bolli af furuhnetum

5 msk af ólífuolíu

Safi úr hálfri sítrónu

Salt eftir smekk

Kasjúosturinn:

¾ bolli af kasjúhnetum

2-4 msk af vatni

1 hvítlauksgeiri

3 tsk af ger

Safi úr hálfri sítrónu

Salt eftir smekk

Undirbúningurinn:

-         Leggðu kasjúhneturnar í vatn í þrjá klukkutíma eða yfir nótt, það er betra.

Pestóið:

-         Merjið hvítlaukinn og saxið niður jurtirnar, chillýið og vorlaukinn.

-         Setjið þetta og restina af hráefnunum í matarvinnsluvél og látið hrærast vel. Takið þetta og setjið til hliðar.

Að búa til kasjúostinn:

-         Settu kasjúhneturnar sem þú átt að vera búin að láta liggja í vatni yfir nótt í matarvinnsluvélina ásamt vatninu sem að þær lágu í. Láttu hrærast þangað til engir kekkir eru sjáanlegir. Þetta getur tekið dágóðan tíma. Merjið hvítlaukinn og bættu honum og restinni af hráefninu í matvinnsluvélina og láttu blandast mjög vel saman.

-         Ef þú hefur nægan tíma að þá er mjög gott að geta sett bæði pestóið og kasjúostinn í ísskáp í nokkra klukkutíma til að leyfa þessu að setjast því þá er það yfirleitt bragðbetra.

Og þá eru það sveppirnir:

-         Hitið ofn á 180°C. þvoðu sveppina og taktu stilkinn úr. Settu svo pestóið ofan í sveppina og ofan á það setur þú kasjúostinn. Kryddaðu með ferskum svörtum pipar. Settu í ofninn og láttu bakast í 10 – 20 mínútur eða þangað til kasjúosturinn er orðinn gylltur og sveppirnir eldaðir í gegn.

-         Taktu nú sveppina út og settu þá á bakka og vittu til, þeir munu hverfa ofan í alla munna eins og skot.

Njótið~