Globeathon er haldið á heimsvísu í fjórða sinn þann 11.september n.k
Taktu þátt í Globeathon.
Kæri hlaupari,
Globeathon er alþjóðlegt átak þar sem vakin er athygli á krabbameini í kvenlíffærum. Þetta er í fjórða sinn sem Globeathon er haldið á heimsvísu. Styrktarfélagið Líf (www.gefdulif.is) og Krabbameinsfélag Íslands (www.krabb.is) standa saman að þessum viðburði. Globeathon er fyrir alla, konur, börn og karla.
Í ár mun ágóðinn renna til göngudeildar krabbameinssjúklinga, deild 11B á Landspítalanum en ætlunin að gera þá deild fallegri og heimilislegri fyrir þá sjúklinga sem þangað koma í lyfjameðferð.
Staður og tímasetning:
Globeathon Ísland fer fram sunnudaginn 11. september, kl 11. Upphaf hlaupsins verður við Nauthól og verður hlaupið/gengið um Fossvogsdalinn. Sameiginleg upphitun hefst kl. 10:45 við rásmarkið.
Vegalengdir:
Boðið er upp á 5 km hlaup, 5 km göngu og 10 km hlaup með tímatöku með flögu. Skráning fer fram á hlaup.is.
Skráning og verð:
Hægt er að skrá sig hér á hlaup.is til kl. 22 laugardaginn 10. september.
Forsöluverð fyrir þá sem skrá sig fyrir kl 24 á föstudaginn 9. september eða mæta í Kringluna (fyrir utan Herragarð á 2. hæð) milli kl 13 og 16 á laugardeginum 10. september.
- 500 kr. fyrir 14 ára og yngri (f. 2002 og síðar)
- 2.500 kr. fyrir 15 ára og eldri (f. 2001 og fyrr)
Á hlaupdag 11. september verður hægt að skrá sig á staðnum milli 9.30 til 10.45, fyrir utan Nauthól.
- 1.000 kr. fyrir 14 ára og yngri (f. 2002 og síðar)
- 3.500 kr. fyrir 15 ára og eldri (f. 2001 og fyrr)
Afhending gagna og nýskráning fer fram á laugadeginum fyrir framan Herragarðinn í Kringlunni milli kl 13.00 - 16.00 og svo á sjálfan hlaupadaginn sunnudaginn 11. september kl. 9:30 - 10:45 fyrir utan Nauthól.
Verðlaun:
Veitt verða verðlaun fyrir 1. sæti karla og kvenna í 5 og 10 km hlaupi auk glæsilegra hátt í 50 útdráttarverðlauna.
Listi yfir útdráttarvinningana verður birtur á næstunni, einnig hægt að fylgjast með á Facebook síðu Globeathon Ísland.
Nánari upplýsingar um hlaupið má finna á facebook-og vefsíðunum;
og hjá formanni Líf styrktarfélags, Sigrúnu Arnardóttur á netfangið sigrunarnar@simnet.is eða Sigurlaugu Gissurardóttur hjá Krabbameinsfélaginu á netfangið sigurlaug@krabb.is eða í síma 540 1922.