Hið fullkomna slökunar bað með tónlist

Það þurfa allir að slaka á stundum og draga úr stressi.

Heitt bað er frábær lausn til að slaka á stressuðum taugum og efla heilsuna í þokkabót.

Hér að neðan eru frábærar leiðbeiningar fyrir hið fullkomna slökunarbað.

Skref eitt:

Það er oft gott að taka stutta sturtu áður en þú leggst í bað, þá færðu ekki þessa tilfinningu að þú liggir í óhreinindum dagsins.

Skref tvö:

Vertu viss um að baðkarið sé hreint og baðherbergið sé líka tandurhreint þannig að þér líði enn betur þegar þú liggur í baðinu. Settu einnig náttfötin eða kósý fötin á ofninn svo þau séu volg þegar þú ferð í þau.

Skref þrjú:

Þú getur haft ákveðið þema fyrir baðið, t.d ef þú vilt sofna vel eftir bað þá er meiriháttar að nota lavender baðsalt eða olíu. Passaðu að nota ekki gervi-lavender salt eða olíu, notaðu náttúrulegt.

Skref fjögur:

Passaðu að baðvatnið sé ekki of heitt, það á að vera mátulegt. Ef það er of heitt þá gæti þig svimað en ef það er of kalt þá er það óþæginlegt og þú gætir endað með kvef.

Skref fimm:

Veldu bestu handklæðin þín, helst 100% bómull og hafðu nóg af kertum í baðherberginu til að fá ljúft dauft ljós til að ná slökun. Ekki hafa kveikt á loftljósinu og alls ekki vera með ilmkerti.

Skref sex:

Ef þú átt baðkodda sem hægt er að blása upp þá skaltu endilega nota hann undir hálsinn, annars má nota mjúkt handklæði.

Skref sjö:

Gott er að hafa uppáhalds rólegu tónlistina þína en einnig er hægt að finna á youtube helling af lagalistum með slakandi tónlist (sjá myndband fyrir neðan).

Skref átta:

Undirbúðu uppáhalds drykk og snakk og vertu viss um að það sé innan handar svo þú getir teygt þig í það ef þig langar í nart eða sopa af góðum safa eða jafnvel léttvíni.

Skref níu:

Núna bætir þú út í baðvatnið c.a 8 dropum að uppáhalds olíunni þinni. Lavender olían er sú sem mælt er með fyrir slakandi bað. Einnig er vanilluolía afar góð í baðvatn.

Má sleppa: settu tvo bolla af náttúrulegu baðsalti – lavender t.d og einnig má nota 1 til 2 bolla af Epsom salti.

Skref tíu:

Skelltu hárinu upp í teygju.

Skref ellefu:

Farðu varlega ofan í baðið því ekki viljum við detta eða renna til og leggstu ofan í með allan líkamann, einnig axlir. Það er gott að setja bómullarhnoðra sem hafa legið í ísköldu vatni yfir augun. Þeir draga úr bólgum og þrota. Einnig má nota kalda gúrku.

Skref tólf:

Ef þú vilt, bleyttu þá andlitið og skelltu á þig andlitsmaska. Svo er bara að liggja eins lengi og þú vilt og slaka vel á. Mundu samt að þvo maskann afar vel af.

Skref þrettán:

Þegar þú ert orðin algjörlega afslöppuð þá skaltu taka 100% flónnel klút til að strjúka yfir líkamann í baðinu.

Skref fjórtán:

Þegar þú ert svo búin í baðinu skaltu þurrka þér vel og bera á þig uppáhalds body kremið þitt.

Skref fimmtán:

Eftir baðið er mikilvægt að halda áfram að slaka á. Fáðu þér góðan heitan bolla af uppáhalds teinu þínu, helst slakandi te án koffeins.

Skref sextán:

Núna er komið að því að skríða upp í rúm. Best er ef það er tandurhreint á rúminu. Ef þú ætlar ekki að sofna strax þá er mælt með að grípa í góða bók og halda áfram að slaka á.

Ég vona að þetta komi ykkur til nota næst þegar slaka þarf á stressuðum taugum.

Njótið ~

Heimild: wikihow.com