Karlmenn þjálfa líka grindarbotnsvöðva
Flestir hafa heyrt um grindarbotnsæfingar kvenna, en minna er rætt um grindarbotnsæfingar karla.
Minna er rætt um grindarbotnsæfingar karla.
Flestir hafa heyrt um grindarbotnsæfingar kvenna, en minna er rætt um grindarbotnsæfingar karla.
Tvær góðar æfingar frá Þórhöllu:
- Vera á fjórum fótum og til skiptis setja kryppu á bak og aðeins fettu. Þegar þú færir bakið í kryppu þá skalt þú ímynda þér að hreyfingin komi frá grindarbotninum og þú spennir setbeinin eins vel saman og þú getur. Þegar þú ferð til baka með bakið í fettu skalt þú líka ímynda þér að hreyfingin komi frá grindarbotninum og þú færir setbeinin í sundur. Þetta virkjar þá grindarbotnsvöðva sem liggja þvert á milli setbeinanna og eru með festur frá setbeinum og út í lífbein og rófubein.
- Liggja á baki og lyfta mjöðmum frá gólfi. Ímyndaðu þér að það sé spotti sem festur er í rófubein. Þegar þú lyftir mjöðmunum upp þá er tilfinningin eins og togað sé í spottann og því lyftist þú frá gólfi. Þegar þú ferð niður reynirðu að finna eins og slakað sé á spottanum. Það sem þetta gerir er að virkja þá vöðva sem hafa festur á rófubeini og fram í lífbein.
Svo er gott að gera hnébeygju með eigin líkamsþyngd og finna hreyfinguna með því að pressa saman setbeinin þegar þú lyftir upp og að draga þau í sundur þega þú sest aftur.
Það eru til margar góðar æfingar fyrir grindarbotninn en kannski er mikilvægast að vera meðvituð/aður um þennan vöðvahóp í öllum hreyfingum t.d. í göngu og skokki.
Áhugaverðar upplýsingar um þetta efni er einnig að finna hér á sprengur.is
Þórhalla Andrésdóttir
World Class ráðgjafi