Ákafur athafnamaður andans

Gísli Örn Lárusson var áberandi í íslensku athafnalífi á áttundu og níundu áratugum síðustu aldar. Hann hefur stundað yoga í eina þrjá áratugi og eftir erfiða lífsreynslu 1986, sneri hann blaðinu alveg við og fór að leita inn á við af fullri alvöru. 

Nú er hann athafnamaður andans og reynir að láta gott af sér leiða á hverjum degi. Hann hefur sagt krabbameini stríð á hendur með náttúrulyfinu Omni One sem hann þróaði úr ævafornum náttúruefnum með hjálp góðra manna og læknaði sjálfan sig með af blöðruhálskrabbameini á nokkrum vikum.

Gísli Örn á rætur að rekja til Noregs og er af hinni þekktu Ellingsen-ætt. Hann hefur komið víða við í athafnalífinu, bæði hér heima og erlendis. Hann tók við fjölskyldufyrirtækinu, Ellingsen, þegar frændi hans 86 ára gamall fór að draga úr vinnu. Gísli er þó þekktastur sem brautryðjandi í vátryggingarmálum á Íslandi. Hann lærði á tryggingar upp úr tvítugu og starfaði um tíma hjá Lloyd´s í London. Hann varð deildarstjóri hjá Almennum tryggingum, aðeins 23 ára gamall, og stofnaði síðan Reykvískar tryggingar og hristi hressilega upp í tryggingamarkaðnum á Íslandi.

Flogið hátt

“Skandia kom síðan inn í Reykvískar tryggingar og var einn fyrsti erlendi fjárfestirinn sem lét til sín taka á Íslandi,” segir Gísli. “Þá voru allir hluthafar keyptir út nema ég.” Gísli starfaði fyrir Skandia á hinum Norðurlöndunum en hann hefur einnig komið að fiskeldi, flugrekstri og unnið hjá alþjóðlegum fyrirtækjum í fjármálaráðgjöf. 

Gísli hefur gengt stjórnarformennsku í að minnsta kosti sautján fyrirtækjum og var áberandi þegar hann flaug sem hæst. Hann átti fína bíla og bjó í einu fallegasta húsi Reykjavíkur, Sóleyjargötu 1, sem nú hýsir skrifstofu forseta Íslands.

Orkan í rauða litnum

Gísli hefur stundað yoga í eina þrjá áratugi og spekin hefur mótað lífsýn hans og viðhorf svo um munar. “Fyrir mér er yoga einfaldlega lífsstíll sem felur í sér að maður reyni að láta gott af sér leiða,” segir Gísli.

“Ég breytti um lífsstíl þegar ég fór í meðferð 1979,” segir Gísli sem tók um þetta leyti þátt í stofnun SÁÁ með Björgólfi Guðmundssyn, Binna blómasala og fleirum. “Þarna vorum við fullir bjartsýni og réðumst í að byggja Vog. Þarna byrjaði ég líka í alls konar mannræktarstarfsemi og stundaði júdó og yoga. Yoga er lífsstíll og reynsla mín hefur kennt mér að öll burðumst við með bagga úr fortíðinni og öll fíkn, sama hvaða nafni hún nefnist, er flóttaleið til þess að komast hjá því að takast á við fortíðina og gera hana upp.  Þú öðlast ekki ró og getur ekki verið einn með sjálfum þér fyrr en þú ert búinn að horfast í augu við vandamálin og takast á við þau.”

 Gísli skartar rauðum gleraugum og er þekktur fyrir að ganga alltaf í einhverju rauðu. Er þetta einhver sérviska?

“Það er ekki margt sem maður getur stjórnað í þessu lífi en ég get stjórnað því hvaða lit ég nota í klæðnaði. Þegar ég byrjaði að fara til Indlands 2003 var uppáhalds liturinn minn blár sem breyttist í orange og rautt. Ég hef alltaf verið hrifinn af sterkum litum og rauður og orange gefa mér orku.” 

Yogað eflir Gísla einnig andlegan og líkamlegan þrótt. “Maður gætir að önduninni og ég hugleiði á hverjum einasta degi og finn ekki fyrir þreytu. Ég verð til dæmis aldrei flugþreyttur,” segir Gísli sem er mikið á ferðinni á milli landa. 

Örlagaríkur vendipunktur

Gísli lenti á krossgötum í lífinu fyrir 25 árum þegar tveggja ára dóttir hans veiktist svo alvarlega að henni var ekki hugað líf. “Við vorum nýkomin heim úr skíðaferð, konan mín þáverandi og dæturnar þrjár, þegar sú yngsta, sem var tveggja ára, veikist alvarlega. Það kom í ljós að hún var með mislinga. Engin lyf virkuðu og hún fékk lungnabólgu ofan í þetta og að lokum þurfi að bíða eftir að hún kafnaði svo hægt væri að setja hana í öndunarvél.”

Það kom að því að stúlkan kafnaði og var í raun dáin í 34 sekúndur. Hún lá síðan milli heims og helju í nítján daga, en svo gerðist kraftaverkið. “Það gerðist ekkert alla þessa daga og ég fór ekki heim í hálfan mánuð. Á nítjánda degi kom séra Karl Sigurbjörnsson og bað fyrir henni og tveimur tímum seinna var komið jafnvægi milli rauðu og hvítu blóðkornanna og tveimur dögum síðar var hún komin heim. Ég veit ekki hvað gerðist en ég trúi ekki á neinar tilviljanir í þessu lífi.”

Nýtt líf

Eftir þetta kraftaverk fór önnum kafinn athafnamaðurinn að hugsa sinn gang. “Þetta er það erfiðasta sem ég hef gengið í gegnum en líka það dýrmætasta. Ég spurði sjálfan mig að því hvað ég væri að gera við líf mitt? 

Ég fer í sund á morgnana, stunda mitt yoga og er í símanum til tíu á kvöldin á kafi í bissniss. Þarna hafði ég allt til alls en áttaði mig á að ég var ekki að lifa lífinu. Ég var byrjaður í yoga en ákvað að stokka líf mitt alveg upp.” 

Gísli segir að það hafi tekið tíma að brjóta upp munstrið en hann ákvað að vera bara í deginum í dag. Ég lærði í raun að við höfum bara þennan eina dag og þetta hjálpaði mér að skilja að maður á að lifa í deginum í dag.”

Gísli fór að leita meira inn á við og um leið breyttist verðmætamat hans. Í dag lifir hann í deginum og lætur ekki minningar úr fortíðinni eða framtíðardrauma stjórna sér. “Ég geri mitt besta, reyni að vera heill í því sem ég geri og bið þess á hverjum degi að ég megi láta gott af mér leiða.”

Og það hefur Gísli svo sannarlega gert og nú ver hann allri sinni orku og tíma í að markaðssetja OMNI Cure, en fyrsta varan er OMNI ONE, blanda ævafornra náttúruefna sem byggja upp sál og líkama. 

Sannfæringuna skortir hann ekki enda læknaði hann sjálfan sig af blöðruhálskrabbameini á undraskömmum tíma með töfralyfinu sínu. Síðan þá hafa fimm manns einnig læknast bæði af blöðruhálskrabbameini, æxli í höfði og hvítblæði.

Frankincense-olían er uppstaðiaðan í OMNI ONE en sérfræðingar og alþjóðlegar vísindastofnanir hafa staðfest hvernig Frankincense-olían drepur og fyrirbyggir krabbamamein.  Og eins og Gísli bendir á er það engin tilviljun að BBC News of the World hefur slegið fram þessari stóru spurningu: Is  Frankicense the next cure for cancer?

Gísli segir að sér sé ekki kunnugt um nokkrum hafi áður tekist að setja olíuna í form til að taka innvortist, eins og honum lánaðist með OMNI ONE.

Nánar verður rætt við Gísla um OMNI ONE og hvernig hann læknaði sig af krabbameininu á Heilsutorgi á næstu dögum.

Horfið á áhrifaríkt viðtal Sigmundar Ernis við Gísla  á Hringbraut.

OMNI ONE fæst á vefsíðunni Omnicure.com. Parlogis, dreifingaraðili OMNI á Íslandi afgreiðir OMNI ONE samdægurs. Parlogis, Krókhálsi 14, 110 Reykjavik - Geir Gunnlaugsson 5900201.