Um er að ræða grillkrydd frá Danmörku sem inniheldur hnetur og sellerí án þess að það komi fram á umbúðum. Kryddið getur valdið neytendum með ofnæmi fyrir hnetum eða selleríi heilsutjóni og hefur það verið innkallað af markaði, í samstarfi við Heilbrigðiseftirlit Reykjavíkur. Varan er hættulaus öðrum neytendum.
Þeir neytendur sem eiga umrædda vöru og eru með ofnæmi fyrir sellerí eða hnetum eru beðnir að neyta hennar ekki og farga henni eða skila til Söstrene Grene gegn fullri endurgreiðslu. Nánari upplýsingar fást hjá Söstrene Grene í síma 698 9212 eða í gegnum netfangið kiosk@simnet.is.