Heimalagað hollustu-majónes

Majones
Majones

Ég var ekki alveg að kaupa það að hrátt egg hrært upp með hollri olíu, ediki og sinnepi sem er í daglegu tali kallað majónes væri svo óhollt að það þyrfti að taka það út úr öllum uppskriftum vegna óhollustu og nota eitthvað annað í staðinn.

Í sumum tilfellum þegar kemur að uppskriftum er majó alveg nauðsynlegt í einhverju magni þannig að hafa það hollt er algjör snilld.

En í þessu majó er enginn aukaefni sem venjulega finnast í majónesi. 

Hollt heimalagað majónes sem grunnur fyrir fullt af allskyns sósum:

Magn Ca. 5 dl (1/2 líter) og auðvelt að stækka.

1 stk egg (frá frjálsum og hamingjusömum hænum)

1 tsk dijon sinnep

2 tsk eplaedik (eða annað gott ljóst edik)

2 tsk sítrónusafi

4 dl holl olía t.d Isíó-4 olía, Ólífuolía eða sólblómaolía (sunflower oil)

Salt og pipar

Aðferð:

Setjið eggið, sinnepið, edikið og sítrónusafan í skál og pískið vel saman þar til byrjar að freyða, þá er olían pískuð saman við með því að hella henni útí í mjórri bunu, smakkað til með salti og pipar.

Setjið í kæli og geymið í lágmark 30 mínútur áður en brúka skal majóið.

Munið að þetta geymist í vel lokuðu íláti í kæli í allt að viku.

Njótið.

 

 


Athugasemdir

Svæði

  • Um Heilsutorg
  • Twitter
  • Heilsutorg á Facebook
  • RSS af heilsutorg
  • Mobile útgáfa af heilsutorg.com
  • Veftré