Sóttvarnalæknir hefur sent tilkynningu um þessi tilfelli til allra farþega og áhafna í ofangreindum vélum Icelandair og er ekki vitað um fleiri smitaða einstaklinga.
Mislingar greindust síðast hér á landi á árinu 2014 (erlent smit) en höfðu þá ekki greinst hér á landi frá 1996. Mislingar eru mjög smitandi og geta valdið alvarlegum einkennum. Eina ráðið til að koma í veg fyrir mislinga er með bólusetningu en engin lyf virka á mislinga.
Þátttaka barna í bólusetningu gegn mislingum hér á landi hefur verið um 90–95% og því má alltaf búast við því að mislingar geti borist hingað til lands og valdið litlum faröldrum. Ólíklegt er þó að hér geti komið upp stærri faraldrar.
Börn hér á landi eru bólusett við 18 mánaða aldur og svo aftur við 12 ára aldur. Sóttvarnalæknir hvetur alla foreldra til að láta bólusetja börn sín gegn mislingum svo koma megi í veg fyrir að þau sýkist af þessum alvarlega sjúkdómi.
Sóttvarnalæknir