Avókadó og egg í brauðholu - Brjáluð morgunbomba!

Þessi tekur bara nokkrar mínútur, útheimtir ekki mörg hráefni og er alveg guðdómlega gott á morgunverðarborðið!

Þú verður að prófa avóakdó og egg í brauðholu!

Þessi uppskrift er alveg skotheld; sáraeinföld og tekur enga stund að snara upp. Ef þú ert avókadó-aðdáandi (eins og ritsjtórn) þá skaltu endilega prófa þessa, sem samanstendur af avókadósneiðum, spældu eggi og svo smjörsteiktu brauði.

Lítur fallega út ~ ekki satt! 

Örlítið frábrugðinn morgunmatur, hriaklega góð leið til að byrja daginn og svo er hún holl líka. Þessa köllum við Hola í brauði en börnin eru líka hrifin af þessari, og það er ekki vitlaust að prófa að strá rifnum osti yfir dýrðina, nú eða teskeið af salsasósu!

Svona ferðu að:

Tvær vænar brauðsneiðar (súrdeigsbrauð með stökkri skorpu er geggjað)

Tvö egg

¼ avókadóaldin (niðursneitt)

Smjör

1 dl rifinn ostur

Hitaðu upp pönnu á eldavélinni. Byrjaðu á því að skera avókadó-aldin í tvo helminga og þegar þú hefur tekið steininn úr, skaltu skera aldinkjötið í þunnar sneiðar. Taktu nú fram brauðsneiðarnar og berðu smjörið á. Nú skaltu skera holu í miðja brauðsneiðina, sem er nægilega stór svo sitthvor sneiðin af avókadó smellpassi sitt hvoru megin við holuna. Eggið fer svo í miðju holunnar, en ekki fyrr en þú hefur sett tæpa matskeið af smjöri á vel heita pönnuna og brætt það.

Leggðu nú brauðsneiðarnar með avókadó-inu á pönnuna og brjóttu eggið í miðjuna á brauðsneiðinni. Kryddaðu til með örlitlu salti og pipar. Lækkaðu nú hitann á pönnunni og leyfðu brauðinu að steikjast þar til skorpan er orðin gullinbrún og eggið farið að lokast. Snúðu nú brauðinu varlega á hina hlðiina og láttu bakast vel í 1 – 2 mínútur. Stráðu nú rifnum osti yfir brauðsneiðarnar og leyfðu að bráðna, áður en þú berð brauðið fram.

Verði þér að góðu!

Ef þú vilt skoða fleiri girnilegar uppskriftir kíktu þá á KVON.