Morgunverðar múffur án glúteins

Það er fljótlegt að skella í þessar múffur og bera fram á morgunverðarborðið fyrir alla fjölskylduna.

Uppskrift gefur 12 múffur eða 24 litlar múffur.

Hráefni:

1 bolli af nut butter (þekki ekki íslenska orðið yfir þetta smjör)

2 meðal stórir bananar, þeim mun þroskaðri þeim mun betra

2 stór egg

1 tsk af vanillu

2 msk af hrá hunangi eða öðru sætu efni

½ tsk af matarsóda

1 tsk af epla ediki

Til skreytingar: Nota má ósætar kókósflögur, rúsínur, hörfræ, dökka súkklaðidropa, kanil eða bara það sem þig langar að nota.

Leiðbeiningar:

Forhitið ofninn í 200 gráður.

Setjið allt hráefnið í blandara eða matarvinnsluvél. Það má einnig nota handþeytara.

Látið allt blandast mjög vel saman.

Nú skal setja deig í múffu formin – ekki bréf formin heldur þetta sem tekur margar múffur í einu. Muna bara að smyrja hvert hólf að innan svo deig festist ekki við.

Bætið ofan á þeim toppi sem þið völduð að hafa og hrærið létt saman við hverja múffu.

Setjið í heitan ofninn og þetta á að bakast í c.a 15 mínútur fyrir stórar múffur en 10 mínútur fyrir litlar.

Í lokin, skellið grillinu á ofninn og látið vera á í um 4 mínútur.

Takið múffur úr ofni og njótið vel!