Fara í efni

Glútenfríar og ljúffengar rjómabollur með jarðarberjafyllingu

Dásamlegar glútenfríar bollur til að skella í fyrir bolludaginn.
Glútenfríar og ljúffengar rjómabollur með jarðarberjafyllingu

Dásamlegar glútenfríar bollur til að skella í fyrir bolludaginn.

 

Uppskrift gefur 8 – 10 bollur.

Hráefni:

  • 100 g smjör
  • 2 dl vatn
  • 2 msk sykur (má sleppa)
  • 120 g Finax glútenfrítt mjöl
  • 3 stór egg (eða fjögur lítil)

Aðferð:

  1. Hitið ofninn í 200°C.
  2. Hitið vatn, smjör og sykur saman í potti og látið suðuna koma upp. (gott er að láta vatn, sykur og smjör sjóða vel saman í 2 – 3 mínútur áður en hveitið er sett út í. )
  3. Setjið hveiti út í, hrærið saman og látið kólna í 4 mínútur.
  4. Takið pottinn af hitanum og setjið eggin út í eitt í einu, sláið vel saman á milli. Það er líka ágætt að setja deigið í hrærivélaskál og hræra þannig saman.
  5. Setjið í sprautupoka og sprautið bollunum á pappírsklædda bökunarplötu en það má auðvitað gera það líka með tveimur skeiðum.
  6. Bakið bollurnar í 25 – 30 mínútur, það er mikilvægt að opna ekki ofninn fyrstu 15 mínúturnar af bökunartímanum því þá er hæta á að bollurnar falli.

Jarðarberjafylling

  • 1 askja jarðarber ca. 8 – 10 stk.
  • 4 dl rjómi
  • 2 tsk flórsykur

Aðferð:

  1. Maukið jarðarberin með töfrasprota eða með gaffli.
  2. Þeytið rjóma og sigtið flórsykur saman við í lokin.
  3. Blandið jarðarberjamaukinu varlega saman við rjómablönduna með sleif.
  4. Setjið fyllinguna í sprautupoka og sprautið á bollurnar. Ég sáldraði flórsykri yfir bollurnar en það er að sjálfsögðu hægt að setja á þær glassúr. Bæði betra.