Ég vil ekki vera eins og ég er - hugleiðing Guðna á miðvikudegi

Við búum yfir sterku og eilífu ljósi sem er kjarni okkar – en oft er ljósið tvístrað og glerið kámugt. Andstaða vitundar er fjarvera.

Andstaða vitundar er höfnun á eigin tilvist, afneitun og vanþakklæti:

„Ég vil ekki vera eins og ég er, þar sem ég er, núna. Ég er veikur vegna þess að ég veiki mig, mér leiðist af því að ég er leiðin- legur, ég er þreyttur vegna þess að ég er þreytandi.“

Við viljum ekki vera – bara gera. Og stundum viljum við ekki einu sinni gera. Þessi höfnun á augnablikinu á sér fjölmargar birtingarmyndir:

Öll fíkn er fjarvera.
Öll streita er fjarvera.
Allt viðnám er fjarvera.
Allt vanþakklæti er fjarvera. 
Fjarvera er afneitun á núinu. 
Fjarvera er forsenda ójafnvægis.