Fara í efni

Rifsberja og rauðlauks relish

Er alveg þrusu gott með geitaosti og Brie eða með helgarsteikinni.
Rifsberja og rauðlauks relish

Er alveg þrusu gott með geitaosti og Brie eða með helgarsteikinni.

Má frysta.

Hráefni:

2 meðal stórir rauðlaukar – hreinsa og skera í þunnar sneiðar

1 lítil rauð paprika, hreinsa og skera í litla bita

2 msk af ólífuolíu

1 rautt chilli, hreinsað og saxað niður

2 stórir hvítlauksgeirar, saxaðir niður

1 lítill biti af fersku engifer, saxa niður

200 ml af rauðvíns ediki

140 gr af dökkum púðursykri eða öðru sætuefni (má nefna muscovado sykur)

1 tsk af 5 krydda dufti (5 spice powder)

200 gr af rifsberjum, hreinsa af stilkum

Leiðbeiningar:

Takið góða pönnu og setjið lauk, papriku og olíuna á látið steikjast í 5-8 mínútur á háum hita þar til allt er orðið mjúkt.

Takið af pönnu og setjið til hliðar.

Takið nú chillí, hvítlaukinn og engifer og setjið á pönnuna ásamt helmingi af rauðvínsedikinu. Látið suðuna koma upp og leyfið þessu að malla í 2-3 mínútur.

Bætið nú lauk og papriku, ásamt restinni af edikinu saman við, einnig sykrinum, kryddi og 1 tsk af grófu salti.

Látið suðuna koma upp og leyfið þessu að malla í 5 mínútur eða þar til blandan er þykk.

Bætið nú rifsberjum saman við og látið malla í aðrar 5 mínútur eða þer til berin eru sprungin en eru samt örlítið berjaleg ennþá og ef þú smakkar til þá á blandan að vera frekar sýrópskennd á bragðið.

Takið af hita, hellið í góðar hitaþolnar krukkur.

Lokið vel á meðan relishið er ennþá heitt.

Geymist í ísskáp í 3 vikur.

Einfalt að margfalda uppskrift ef þú vilt eiga í frystinum.

Njótið vel!