Döðlukjúklingur með kúskússælu - Birnumolar

Birna Varðar galdrar fram dásamlegan kjúklingarétt með döðlum og kúskús.   Þið getið fundið fleiri uppskriftir frá Birnumolum hérna á Facebook.

Döðlukjúklingur með kúskús-sælu

Kjúklingurinn

• 600-700 gr. beinlaus kjúklingalæri
• 16 döðlur
• 6 negulnaglar
• 3 1/2 dl vatn
• 1 msk sojasósa
• 1 msk hrísgrjónaedik
• 1 tsk svartur pipar
• smá salt
• 1/2 - 1 tsk paprikuduft

Kúskús-sæla

• 1 bolli kúskús
• 1 1/3 bolli vatn
• 1 msk olía
• 3-4 gulrætur
• 2-3 lúkur grænkál
• 8 döðlur
• smá pipar
• salt

Aðferð - kjúklingur
1) Setjið vatn, döðlur og negulnagla í bott og sjóðið þar til döðlurnar fara að leysast upp. Takið þá negulnaglana úr og mixið vatnið með döðlunum í matvinnsluvél.
2) Hellið því aftur í pott og bætið sojasósu, hrísgrjónaediki, pipar, salti og paprikudufti við sósuna. Hrærið á vægum hita í nokkrar mínútur.
3) Steikið kjúklinginn upp úr olíu. Hellið sósunni yfir og steikið þar til kjúklingurinn er hérumbil fulleldaður.
4) Færið kjúklinginn í fat og bakið við 180 gráður í 12 mínútur

Aðferð / kúskús-sæla
1) Hellið vatni í pott og látið sjóða. Gott er að hella smá olíu út í vatnið. Hellið kúskúsinu þá út í - hrærið stutta stund og slökkvið undir.
2) Steikið grænkál, gulrætur og döðlur saman á pönnu upp úr olíu.
3) Þegar grænmetið er tilbúið blandið þá saman kúskúsi og grænmetinu á pönnunni. 
4) Saltið og piprið.

Takið kjúklinginn út úr ofninum og berið fram ásamt kúskús-sælunni og því sem ykkur þykir best.